07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Քրդերի դեմ ցեղասպանություն իրականացնող Էրդողանը վերջին մարդն է, որը կարող է բարոյականություն քարոզել․ Նեթանյահուն պատասխանել է Թուրքիայի նախագահին
Քաղաքականություն
28.12.2023 | 22:20
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Իսրայելի վարչապետ Բենիամին Նեթանյահուն արձագանքել է Թուրքիայի նախագահ Ռեջեփ Թայիփ Էրդողանի հայտարարություններին, մասնավորապես, Հիտլերի հետ համեմատությանը։ Իսրայելի վարչապետն իր հերթին Թուրքիայի նախագահին մեղադրել է քրդերի դեմ ցեղասպանություն իրագործելու մեջ։
«Քրդերի դեմ ցեղասպանություն իրականացնող Էրդողանը, որն իր վարչակարգի դեմ հանդես եկող լրագրողներին բանտարկելու համաշխարհային ռեկորդակիր է, վերջին մարդն է, որը կարող է մեզ բարոյականություն քարոզել»,- գրել է Նեթանյահուն X-ում։
Նա նշել է, թե Իսրայելի պաշտպանության բանակը, որն «աշխարհի ամենաբարոյական բանակն է, պայքարում է աշխարհի ամենազզվելի և դաժան ահաբեկչական կազմակերպության՝ ՀԱՄԱՍ-ԻԼԻՊ-ի վերացման համար, որը հանցագործություններ է կատարել մարդկության դեմ, և որին Էրդողանը գովաբանում է, իսկ առաջնորդներին՝ հյուրընկալում»։
Հավելենք, որ ավելի վաղ Էրդողանը Նեթանյահուին համեմատել էր Ադոլֆ Հիտլերի հետ՝ նշելով, որ ոչ մի տարբերություն չկա Նեթանյահուի և Հիտլերի գործողությունների միջև։
Մինչ այդ էլ, Էրդողանը Նեթանյահուին անվանել էր «Գազայի դահիճ», ինչպես նաև «ռազմական հանցագործ»՝ հայտարարելով, թե «նրան անպայման դատելու են այնպես, ինչպես Միլոշևիչին»։
Էմմա Չոբանյան
