23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Սեուլն ընդլայնում է Ռուսաստանի և Բելառուսի դեմ պատժամիջոցները
Քաղաքականություն
26.12.2023 | 22:58
Հարավային Կորեայի Առևտրի, արդյունաբերության և էներգետիկայի նախարարությունը 682 ապրանքով ընդլայնել է Ռուսաստան և Բելառուս ազատ արտահանման համար արգելված ապրանքների ցանկը։ Գերատեսչության մամուլի ծառայությունը հայտնել է, որ դրանց առևտուրն այժմ կպահանջի կառավարության հատուկ թույլտվությունը, գրում է DW-ի ռուսական ծառայությունը։
Այսպիսով, Ռուսաստան և Բելառուս արտահանման համար արգելված ռազմավարական նշանակություն ունեցող ապրանքների ընդհանուր թիվը հասել է 1159-ի: Սահմանափակումները ներառում են, մասնավորապես, ծանր շինարարական սարքավորումներ, մարտկոցներ, մետաղամշակման մեքենաներ, ինքնաթիռների մասեր, նոր մեքենաների մոդելներ, օդորակիչներ և այլ սարքավորումներ սարքավորումներ, որոնք նախատեսված են միջուկային էներգիայի և բարձր տեխնոլոգիաների արդյունաբերության ոլորտներում օգտագործման համար։
Նոր սահմանափակումները պետք է ուժի մեջ մտնեն 2024 թվականի սկզբից՝ համապատասխան վարչական ընթացակարգերի իրականացման և արտահանողներին պետական խորհրդատվություն տրամադրելու դեպքում, ասվում է նախարարության հաղորդագրության մեջ։
