18.03.2026 | 15:51
ՄԱԿ-ի ծովային կազմակերպությունը հատուկ նիստ է անցկացնում Լոնդոնում
Իրանը ուրանի հարստացման մակարդակը հասցրել է մինչև 60 տոկոսի
Քաղաքականություն
26.12.2023 | 22:12
Իրանը ավելացրել է մինչև 60 տոկոս հարստացված ուրանի արտադրության տեմպերը՝ ամսական 3-ից հասցնելով 9կգ-ի։ Այս մասին հայտնում է Reuters գործակալությունը՝ վկայակոչելով Ատոմային էներգիայի միջազգային գործակալության (ՄԱԳԱՏԷ) զեկույցը։
Ըստ այդմ՝ Իրանը նոյեմբերի վերջից սկսել է մեծացնել ուրանի հարստացման տեմպերը։ Խոսքը երկու միջուկային օբյեկտների մասին է, որոնք գտնվում են Նաթանզում և Ֆորդոյում։
Նոյեմբերին Reuters-ը, վկայակոչելով ՄԱԳԱՏԷ-ի գաղտնի զեկույցը, հայտնել էր, որ Իրանն ունի մինչև 60 տոկոս հարստացված այնքան ուրան, որ հետագա հարստացման դեպքում բավական կլինի երեք ատոմային ռումբ ստեղծել:
ՄԱԳԱՏԷ-ի դասակարգման համաձայն՝ ուրանը պետք է հարստացվի մինչև 90%՝ զենք արտադրելու համար, իսկ մոտ 42 կգ նյութը «տեսականորեն բավարար է» ատոմային ռումբի համար։
