12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Ուկրաինան Համաշխարհային բանկից 1,34 մլրդ դոլար է ստացել
Քաղաքականություն
26.12.2023 | 22:22
Ուկրաինան 1,34 միլիարդ դոլարի ևս մեկ տրանշ է ստացել Համաշխարհային բանկից՝ «Ուկրաինայում կայուն պետական կառավարման ապահովման համար պետական ծախսերի աջակցություն» (Խաղաղություն Ուկրաինայում) ծրագրի շրջանակում։ Այս մասին հայտնել է Ուկրաինայի Ֆինանսների նախարարությունը՝ պարզաբանելով, որ այդ գումարը կուղղվի պետբյուջեի ծախսերին, որոնք կապված չեն անվտանգության և պաշտպանության ոլորտին, մասնավորապես, կենսաթոշակային վճարումների, ինչպես նաև աշխատողների աշխատավարձերի փոխհատուցմանը, փոխանցում է DW-ի ռուսական ծառայությունը։
Գերատեսչության տվյալներով՝ հատկացված միջոցներից 1,086 մլրդ դոլարը Ճապոնիայի կառավարության կողմից երաշխավորված Ուկրաինային անհրաժեշտ վարկային աջակցության տրամադրման Trust Fund-ից (ADVANCE Ukraine) ստացված վարկն է։ Տրանշի մնացած մասը բաղկացած է Նորվեգիայից (190 մլն), ԱՄՆ-ից (50 մլն) և Շվեյցարիայից (20 մլն դոլար) ստացված դրամաշնորհներից։
Ուկրաինայի ֆինանսների նախարար Սերգեյ Մարչենկոն ընդգծել է, որ միջազգային ֆինանսական օգնությունը «զգալի ներդրում է Ուկրաինայի ֆինանսատնտեսական կայունությանն աջակցելու գործում և թույլ է տալիս առաջնահերթ սոցիալական ծախսեր իրականացնել պատերազմի ժամանակ»։
