15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Բանտարկված և անհետացած Նավալնիին գտել են
Քաղաքականություն
25.12.2023 | 21:34
Ռուսաստանցի ընդդիմադիր գործիչ Ալեքսեյ Նավալնին հայտնաբերվել է Յամալո-Նենեց ինքնավար մարզի Խարպ գյուղի թիվ 3 ուղղիչ գաղութում, հաղորդում է քաղաքական գործչի թիմը, փոխանցում է BBC-ի ռուսական ծառայությունը:
«Փաստաբանն այսօր տեսել է նրան։ Ալեքսեյը լավ է»,- ասել է Նավալնիի մամուլի քարտուղար Կիրա Յարմիշը։
FBK-ի տնօրեն Իվան Ժդանովը X սոցիալական ցանցում հայտնել է, որ քաղաքական գործչի համախոհները 618 հարցում են ուղարկել նրա գտնվելու վայրի մասին տեղեկատվության բացակայության ժամանակ։
Գաղութը, որտեղ այժմ գտնվում է Նավալնին, Ժդանովի խոսքով, երկրի ամենահյուսիսային և ամենահեռավոր գաղութներից մեկն է։
«Այնտեղ պայմանները դաժան են, հատուկ ռեժիմ՝ մշտական սառցե գոտում։ Այնտեղ հասնելը շատ դժվար է, և չկան նամակների առաքման համակարգեր կամ Zonatelecom: Փաստաբանն այսօր այնտեղ էր։ Նա տեսել է Ալեքսեյին։ Փաստաբանին նույնպես անմիջապես թույլ չեն տվել ներս մտնել»,- հայտնել է Ժդանովը։
Հիշեցնենք, որ Ալեքսեյ Նավալնիի գտնվելու վայրն անհայտ էր գրեթե երեք շաբաթ։
