14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Իրանում Ադրբեջանի դեսպանատան գործունեության վերսկսման ճանապարհային քարտեզ է նախապատրաստվել
Քաղաքականություն
25.12.2023 | 23:38
Թեհրանում Ադրբեջանի դեսպանատան գործունեության վերսկսման համար ճանապարհային քարտեզ է նախապատրաստվել։ Ադրբեջանական լրատվամիջոցների հաղորդմամբ՝ այս մասին ճեպազրույցում հայտարարել Իրանի ԱԳՆ մամուլի խոսնակ Նասեր Քանանին Իրանի և Ադրբեջանի դատախազությունների ներկայացուցիչների հանդիպման արդյունքների վերաբերյալ։
«Այս հանդիպումը երկու երկրների ջանքերի մի մասն է՝ լուծելու մնացած խնդիրները երկրների միջև հարաբերությունների գործընթացում և կապված Իրանում Ադրբեջանի դեսպանատան հետ։Այսօրվա դրությամբ գործընթացը դրական է, այդ գործի շատ ասպեկտներ լուծվել են։ Ադրբեջանի դեսպանատան գործունեության վերսկսման համար մշակվել է ճանապարհային քարտեզ, և ջանքերը հաջողությամբ շարունակվում են։ Մենք ականատեսն են լավ տենդենցների երկու երկրների միջև հարաբերություններում և այլ ոլորտներում։ Հաջող բանակցություններ են վարվել նաև առևտրի ոլորտում»,- ասել է Քանանին։
Հիշեցնենք, որ 2023թ-ի հունվարի 27-ին զինված անձը հարձակվել էր Թեհրանում Ադրբեջանի դեսպանատան վրա, որի հետևանքով զոհվել էր մեկ մարդ։ Միջադեպը կտրուկ վատթարացրել էր երկու երկրների հարաբերությունները։ Պաշտոնական Բաքուն միջադեպը անվանել էր «ահաբեկչություն» և տարհանել դեսպանատան անձնակազմին՝ դադարեցնելով դրա աշխատանը։ Բացի դրանից՝ Ադրբեջանի իշխանությունները երկրում սկսել էին իրանամետ կրոնական գործիչների ու ակտիվիսների ձերբակալություններ ու հակաիրանական արշավ։
Էմմա Չոբանյան
