11.12.2024 | 22:21
Բելառուսից թոշակառուն դատապարտվել է 4 տարվա ազատազրկման՝ Լուկաշենկոյին և ոստիկանին վիրավորելու համար
Ադրբեջանի նախագահի պաշտոնի հավակնորդների թիվը հասել է 15-ի
Քաղաքականություն
25.12.2023 | 12:32
Ադրբեջանի Կենտրոնական ընտրական հանձնաժողովը ստացել է արտահերթ նախագահական ընտրություններին մասնակցելու 15 դիմում։ Այս մասին հայտարարել է ԿԸՀ նախագահ Մազախիր Պանախովը։ Նա նշել է, որ 7 հայտ արդեն հաստատվել է, 8-ն էլ գտնվում է հաստատման փուլում։ 7 գրանցված թեկնածուներից մեկը Ադրբեջանի գործող նախագահ Իլհամ Ալիևն է։ Ընտրություներին մասնակցելու մասին է հայտարարել նաև Olaylar թերթի գլխավոր խմբագիր Յունուս Օղուզը։ Նա մասնակցել էր նաև 2003 թվականի ընտրություններին, սակայն ընտրական մարաթոնի ժամանակ հանել էր թեկնածությունը հօգուտ Իլհամ Ալիևի։ Նախագահի թեկնածու է առաջադրվել նաև ֆինանսների նախկին նախարար, տնտեսական գիտությունների դոկտոր, պրոֆեսոր Ֆիքրեթ Յուսիֆովը։ Իսկ թե ովքեր են 8 հայտ ներկայացրածներից մնացյալ 6-ը, տեղեկություններ չեն հաղորդվում։
Ադրբեջանում հերթական նախագահական ընտրությունները պետք է տեղի ունենային 2025 թվականին, սակայն Ալիևը դեկտեմբերի 7-ին հրամանագիր ստորագրեց 2024 թվականի փետրվարի 7-ին Ադրբեջանում արտահերթ նախագահական ընտրություններ անցկացնելու մասին։
