Քաղաքականություն
21.12.2023 | 21:29
Թուրքիայի Կենտրոնական բանկը բարձրացրել է հիմնական տոկոսադրույքը 250 բազիսային կետով մինչև 42,5%, ինչպես և սպասվում էր, քանի որ տարիներ շարունակ գնաճն ավելանում էր և խոստացվել էր հնարավորինս արագ ավարտել ագրեսիվ խստացման ցիկլը, գրում է Reuters-ը։
Ըստ Trading Economic-ի՝ վերջին անգամ այս ցուցանիշը գրանցվել է 20 տարի առաջ՝ 2003 թվականի ապրիլին, երբ այն հասել էր 44%-ի, այնուհետև իջել 41%-ի։
Կենտրոնական բանկը տոկոսադրույքը բարձրացրել էր 3400 բազային կետով հունիսից, երբ նախագահ Թայիփ Էրդողանը կառավարիչ էր նշանակել Ուոլ Սթրիթի նախկին բանկիր Հաֆիզե Գայե Էրջանին՝ կտրուկ շրջադարձ կատարելով դեպի ավելի ավանդական տնտեսական քաղաքականություն։
Վերջին երեք ամիսների ընթացքում նա բարձրացրել է տոկոսադրույքները 500 բազիսային կետով, սակայն անցյալ ամիս ասել էր, որ խստացումը շուտով կավարտվի: Հինգշաբթի խստացման տեմպերը կիսով չափ կրճատելուց հետո պաշտոնյան ասել էր, որ այն է՛լ ավելի մոտ է ավարտի գծին և ակնկալում է «հնարավորինս շուտ վերջ տալ դրամավարկային խստացման ցիկլին»:
Էմմա Չոբանյան
