Քաղաքականություն
21.12.2023 | 22:36
Ռուսաստանցի միլիարդատեր Ռոման Աբրամովիչը, որը Ռուսաստանի և Ուկրաինայի միջև պատերազմի մեկնարկից ի վեր բախվել է Եվրոպայի և ԱՄՆ-ի պատժամիջոցներին ու տեղափոխվել Անգլիայից՝ վաճառելով իրեն պատկանող «Չելսի» ֆուտբոլային ակումբը, հայտվել է թուրքական լրատվամիջոցների ուշադրության կենտրոնում։
Ամիսներ առաջ Ստամբուլում տուն գնած Աբրամովիչը նախօրեին ռեստորանում մեծ թեյավճար է թողել։
Տեղական լրատվամիջոցների հաղորդմամբ՝ Աբրամովիչը Ստամբուլի Բեյքոզ շրջանի Անադոլու Հիսարիի ռեստորանում եղել է ընկերների հետ և ընթրիքի համար վճարել 85,000 լիրա (2900 դոլար)։
Ուշագրավ է, որ ռուս միլիարդատերը մատուցողներին թողել է 175,000 լիրա՝ 6000 դոլար թեյավճար։ Ընդհանուր առմամբ, նա վճարել է 260,000 լիրա։
Էմմա Չոբանյան
