23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՀՀ-ում ՌԴ դեսպանությունը «Sputnik Արմենիա» ռադիոկայանի հեռարձակումը դադարեցնելու առնչությամբ մեկնաբանություն է տարածել
Քաղաքականություն
21.12.2023 | 14:41
Հայաստանում ՌԴ դեսպանությունը մեկնաբանություն է տարածել՝ կապված «Sputnik Արմենիա» ռադիոկայանի հեռարձակումը դադարեցնելու մասին ՀՀ հեռուստատեսության և ռադիոյի հանձնաժողովի որոշման հետ։
«Ցավում ենք, որ Հեռուստատեսության և ռադիոյի հանձնաժողովի որոշումը ազդելու է հայ ունկնդրի՝ իր ընտրած աղբյուրից տեղեկատվություն ստանալու անվերապահ իրավունքի վրա:
Նկատեցինք նաև, որ մեր բարեկամ Հայաստանում ռուսական լրատվամիջոցների մասնաճյուղի հեռարձակումը դադարեցնելու որոշումը կայացվել է ընդամենը մեկ շաբաթ անց այն կառուցողական խորհրդակցությունից հետո, որը կայացել էր ս․թ․ դեկտեմբերի 14-ին Ռուսաստանի Դաշնության թվային զարգացման, կապի և զանգվածային հաղորդակցության նախարարության և Հայաստանի Հանրապետության բարձր տեխնոլոգիական արդյունաբերության նախարարության միջև, որի ընթացքում կողմերը պայմանավորվել են սերտ համագործակցել՝ ծագած բոլոր վիճահարույց հարցերի լուծման շուրջ։
Այս քայլը չի կարող որպես զիջում ընկալվել նրանց կողմից, ովքեր Ռուսաստանի և Հայաստանի միջև ավանդական, փոխշահավետ և փոխադարձ հարգանքով դաշնակցային հարաբերությունների խզման օգտին են հանդես գալիս»։
Հիշեցնենք, որ ՀՌՀ-ի նիստում որոշվել է 30 օրով կասեցնել Sputnik Արմենիա ռադիոկայանի հեռարձակումը և վերահեռարձակող «Տոսպա» ռադիոընկերությունը մեկ ամսով զրկվել է լիցենզիայից։
