15.01.2026 | 12:27
Նիկոլ Փաշինյանի ճեպազրույցը՝ ՈՒՂԻՂ
ԵՄ-ում Covid-ի դեմ պատվաստանյութերի 215 միլիոն չափաբաժին չի օգտագործվել. Politico
Քաղաքականություն
18.12.2023 | 22:08
Եվրամիությունում համաճարակի գագաթնակետին գնված կորոնավիրուսային պատվաստանյութերի առնվազն 215 միլիոն չափաբաժին չի օգտագործվել, գրում է Politico-ն։
Պարբերականի հաշվարկներով՝ առնվազն չորս միլիարդ եվրո է ծախսվել այդ պատվաստանյութերի գնման համար։
Հետաքննության հեղինակներն ընդգծում են, որ սա ընդամենը մոտավոր գնահատական է, քանի որ միայն ԵՄ 15 երկիր է լրագրողներին տրամադրել չօգտագործված պատվաստանյութերի վերաբերյալ տվյալներ, ևս չորս երկրների դեպքում տեղեկատվություն է հայտնաբերվել բաց աղբյուրներից։ Բացի այդ, ըստ Politico-ի, չեն բացահայտվել պատվաստանյութերի ձեռքբերման գները։
Հոդվածի հեղինակների կարծիքով՝ իրականում ավելի շատ չօգտագործված Covid պատվաստանյութերի չափաբաժիններ կան, որոնք արդեն դուրս են գրվել կամ մոտ ապագայում կվերացվեն։ Միջինում, Politico-ի հաշվարկներով, ԵՄ երկրներում մեկ բնակչի հաշվով պատվաստանյութի 0,7 չափաբաժին է կորել։
Որոշ պատվաստանյութեր, որոնք արդեն մատակարարվել են արտադրողների և վճարվել գնորդների կողմից, մնացել են չպահանջված՝ կորոնավիրուսի նոր տարբերակների դեմ ցածր արդյունավետության պատճառով:
Politico-ն հիշեցնում է, որ կորոնավիրուսի դեմ պատվաստանյութերի խոշորագույն արտադրողներից մեկի՝ Pfizer-ի հետ պայմանագիրը ԵՄ երկրները կնքել են մինչև 2027 թվականը։ Լեհաստանը և Հունգարիան, որոնք հրաժարվել են պատվաստանյութեր գնել, արդեն դատի են տվել Pfizer-ին։
