Տեսանյութեր
17.12.2023 | 19:02
Շիրակի մարզի բոլոր տարածաշրջանների ճանապարհներին ուժեղ գետնաբուք և ձյան տեղումներ են․ հաղորդում են Շիրակի մարզպետարանից։
ՀՀ միջպետական, հանրապետական, մարզային նշանակության ավտոմոբիլային ճանապարհները բաց են։
Ճանապարհները սպասարկող ընկերությունների կողմից կատարվում են երթևեկելի հատվածների ձյան մաքրման, որոշ հատվածներում նաև մշակման աշխատանքներ։
Այս պահին մարզի ճանապարհներին աշխատում է 18 միավոր տեխնիկա։
Մարզպետարանից վարորդներին հորդորում են երթևեկել միայն ձմեռային անվադողերով և խիստ անհրաժեշտության դեպքում։
