14.12.2024 | 19:57
Ինչ իրավիճակ է ճանապարհներին 19։35-ի դրությամբ
Ինչպես հաղթահարել իրավական նորմերի հակասությունները. գիտագործնական կոնֆերանս․ ԼՈՒՍԱՆԿԱՐՆԵՐ
Հասարակություն
15.12.2023 | 22:17
Ինչպե՞ս վարվել, երբ միևնույն կամ համանման հասարակական հարաբերությունները կարգավորող իրավական նորմերը հակասում են իրար: Այդ նորմերից ո՞րը կիրառել, իրավունքի ի՞նչ սկզբունքներ և ի՞նչ կանոններ հաշվի առնելով, կամ այլ կերպ՝ ինչպե՞ս լուծել իրավական կոլիզիաները:
Դատախազներ, քննիչներ ու փաստաբաններ, ներկա և նախկին պաշտոնյաներ, գիտնականներ, դասախոսներ և ուսանողներ, տարբեր ատյանի ու տարբեր մասնագիտացմամբ դատավորներ այսօր հավաքվել էին մեկ հարկի տակ՝ «Իրավական նորմերի հակասությունները և դրանց հաղթահարման կառուցակարգերը» խորագիրը կրող գիտագործնական կոնֆերանսին մասնակցելու: Միջոցառումը վարում էին վերջերս լույս տեսած «Կոլիզիոն իրավունք» գրքի համահեղինակները:
Վարչական և Վերաքննիչ վարչական դատարանի գիտնական դատավորներ Կարեն Զարիկյանը, Ռաֆիկ Խանդանյանը և իրավաբանական գիտությունների դոկտոր, պրոֆեսոր Արթուր Ղամբարյանը «Կոլիզիոն իրավունք» վերտառությամբ ձեռնարկում անդրադարձել են իրավական նորմերի հակասությունների և դրանց հաղթահարման ուղիների վերաբերյալ հարցերի: Աշխատանքում կոլիզիոն նյութական և վարութային նորմերը ներկայացվում են իրավունքի պատմության, տեսության, օրենսդրության և իրավունքի փիլիսոփայության տեսանկյուններից:
Արաքս Մամուլյան
