16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Յուրի Խաչատուրովը Մոսկվայում գործեր ունի, եթե չգնա ՀԱՊԿ-ը կկազմալուծվի․ փաստաբան
Հասարակություն
01.08.2018 | 18:27
ՀԱՊԿ գլխավոր քարտուղար Յուրի Խաչատուրովը ՀԱՊԿ-ում պետք է կատարի իր աշխատանքային պարտականություններն, ուստի այդ հանքամանքով պայմանավորված, ՀԱՊԿ գլխավոր քարտուղարի պաշտպանը դիմել է Հատուկ քննչական ծառայությանը, որպեսզի նրան թույլատրվի մեկնել մոսկվա։ Այս մասին Factor.am-ին փոխանցեց Յուրի Խաչատուրովի պաշտպան Միհրան Պողոսյանը։
«Քրեական դատավարության օրենսգիրքը մեղադրյալի համար պարտականություն չի սահմանում, եթե խափանման միջոցի փոփոխության համար գրավ է կիրառվել։ Յուրի Խաչատուրովը հանդիսանում է միջազգային կազմակերպության՝ ՀԱՊԿ-ի Գլխավոր քարտուղար, ունի անհետաձգելի աշխատանքային պարտականություններ։ Աշխատանքի չկատարումը կարող է հանգեցնել ՀԱՊԿ-ի կազմալուծման։ Նման դեպքից խուսափելու համար հունիս 30-ին դիմել ենք ՀՔԾ-ին՝ երկրից մեկնելու թույտվություն ստանալու համար, սակայն մինչ այս պահն այդ պատասխանը չենք ստացել»,-ասաց Պողոսյանը։
Պաշտպանը նշեց, որ Յուրի Խաչատուրովը պատրաստակամություն է հայտնել մեկնելուց հետո ցանկացած անհրաժեշտության դեպքում ետ վերադառնալՀայաստան։ «Մոսկվայում նրա գտնվելու վայրի մասին հայտնել ենք վարույթն իրականացնող մարմնին»,-ասաց պաշտպանը։
Հիշեցնենք, որ Մարտի 1-ի գործով մեղադրանք է առաջադրվել Յուրի Խաչատուրովին, ում խափանման միջոցը փոխվել է 5 մլն դրամ գրավի դիմաց։
Աղավնի Սուքիասյան
