23.07.2026 | 17:07
Ուրսուլա ֆոն դեր Լայենը մանրամասներ է հայտնել ՌԴ-ի դեմ պատժամիջոցների 21-րդ փաթեթից
Զելենսկին ԵՄ առաջնորդներին կոչ է արել «չդավաճանել Ուկրաինայի ժողովրդին»
Քաղաքականություն
14.12.2023 | 22:44
Ուկրաինայի նախագահ Վլադիմիր Զելենսկին տեսաուղերձով դիմել է Բրյուսելում ԵՄ գագաթնաժողովի մասնակիցներին, գրում է BBC-ի ռուսական ծառայությունը։
Նշվում է, որ ԵՄ առաջնորդները կարող են որոշում ընդունել միությանը երկրի անդամակցության բանակցությունների մեկնարկի և Կիևին ֆինանսական աջակցություն ցուցաբերելու վերաբերյալ, որը Հունգարիան սպառնում է արգելափակել։
Իր ուղերձում Զելենսկին հիշեցրել է 2014 թվականի Եվրոպական հեղափոխությունը, երբ ուկրաինացիները զանգվածաբար բողոքում էին երկրի այն ժամանակվա նախագահի՝ Եվրոպային ինտեգրվելուց հրաժարվելու դեմ։
«10 տարի առաջ Ուկրաինայում մարդիկ ոտքի էին կանգնել Եվրամիության դրոշների ներքո։ Նրանց համար դա ճշմարտության խորհրդանիշ էր, և այդպես էլ պետք է մնա։ Այսօր մի բան եմ խնդրում՝ մի՛ դավաճանեք ժողովրդին և նրա հավատին Եվրոպայի նկատմամբ»,- ասել է Զելենսկին։
Նա նաև ասել է, որ եթե Եվրոպան չսկսի Ուկրաինայի հետ անդամակցության բանակցությունները, դա կնշանակի պատերազմը սկիզբ դրած Վլադիմիր Պուտինի հաղթանակը։
«Այսօր այն օրն է, երբ վճռականություն կլինի կա՛մ Բրյուսելում, կա՛մ Մոսկվայում։ Եվրոպայում չեն հասկանա, եթե Պուտինի գոհունակ ժպիտը դառնա Բրյուսելու հանդիպման պարգևը»,- ասել է Ուկրաինայի նախագահը։
Էմմա Չոբանյան
