24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ-ն Ուկրաինայի հետախուզության ղեկավարի նկատմամբ հետախուզում է հայտարարել
Քաղաքականություն
14.12.2023 | 23:18
ՌԴ ՆԳՆ-ն Ուկրաինայի պաշտպանության նախարարության հետախուզության գլխավոր վարչության պետ Կիրիլ Բուդանովի նկատմամբ հետախուզում է հայտարարել, գրում է Meduza-ն։
Ռուսաստանի Քննչական կոմիտեն հոկտեմբերի սկզբին հայտարարել էր, որ հեռակա մեղադրանք է առաջադրել ուկրաինացի չորս զինվորականների, այդ թվում՝ Կիրիլ Բուդանովի դեմ «ահաբեկչական գործողություններ կատարելու համար»։ Քննչական կոմիտեն նրանց համարում է ռուսական օբյեկտների վրա անօդաչու թռչող սարքերի հարձակումների մասնակից։
Նախկինում էլ Բուդանովի դեմ մեղադրանք էր առաջադրվել Ռուսաստանում ահաբեկչական համայնք ստեղծելու հետ կապված, մի խումբ անձանց կողմից ահաբեկչություն իրականացնելու և զենք ու պայթուցիկ նյութեր պահելու համար։
Այս մեղադրանքներով Բուդանովը հեռակա կալանավորվել էր 2023 թվականի ապրիլին։
Էմմա Չոբանյան
