24.06.2026 | 11:49
ԵՄ աջակցությամբ կմշակվեն Ախուրիկ-Կայան և Մարգարա-Կայան ճանապարհային նախագծերը․ հուշագիր է ստորագրվել
Ռուսաստանում առաջին անգամ քաղաքացիությունից զրկել են հանցագործության համար
Քաղաքականություն
13.12.2023 | 22:48
Մոսկվայում թմրամիջոցների ապօրինի շրջանառության համար քրեական հետապնդման ենթարկված երկու տղամարդու զրկել են Ռուսաստանի քաղաքացիությունից։ Այս մասին հայտնում է ՆԳՆ մայրաքաղաքային վարչության մամուլի ծառայությունը։ Նոր օրենքով այս կերպ հնարավոր է զրկել քաղաքացիությունից, գրում է Կոմերսանտը։
Տղամարդիկ ՌԴ քաղաքացի են դարձել օրենքով սահմանված կարգով։ Նրանցից մեկին բերման են ենթարկել Ժուլեբինոյում, նրա մոտ հայտնաբերել են մեֆեդրոնի 19 փաթեթ։ Երկրորդին ձերբակալել են Կոսինսկոյե խճուղում՝ նույն սինթետիկ թմրամիջոցի մեկ փաթեթով։ Նրանք պատասխանատվության են ենթարկվել առանձնապես խոշոր չափերով թմրամիջոցներ ձեռք բերելու, պահպանելու, փոխադրելու և արտադրելու հոդվածով (ՌԴ ՔՕ 228-րդ հոդվածի 2-րդ մաս):
«Բացի այդ, սույն տղամարդկանց առնչությամբ որոշումներ են կայացվել՝ դադարեցնել Ռուսաստանի Դաշնության քաղաքացիությունը։ Նրանցից առգրավվել են ռուսական վավեր անձնագրերը»,- հայտնում է գերատեսչության մամուլի ծառայությունը։
Հոկտեմբերից Ռուսաստանում գործում է օրենք ձեռք բերված քաղաքացիությունից զրկելու մասին՝ ՌԴ զինված ուժերի մասին կեղծիքներ տարածելու, բանակը վարկաբեկելու, ծանր հանցագործությունների, ինչպես նաև Ռուսաստանի ազգային անվտանգությանը վտանգ ներկայացնող գործողությունների, դասալքության և ծայրահեղականություն կոչերի համար։
Քրեական հոդվածների ցանկը, որոնք կարող են հանգեցնել քաղաքացիությունից զրկման, 60 կետից է կազմված։
