06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Բժշկական հաստատություններում ներդրվելու է «Առողջապահական ծառայությունների որակի բարելավման» ծրագիրը
11.12.2023 | 18:37
Առողջապահական ծառայությունների որակը բարելավելու, բարեփոխումները հասցեատերերին` պացինետներին ու բուժառուներին հասցնելու համար առողջապահության նախարարությունը և Ասիական զարգացման բանկը երկօրյա համաժողով էր կազմակերպել․ տեղեկացնում են ՀՀ ԱՆ-ից։
Ծավալված ակտիվ քննարկումներին մասնակցում էին ներկայացուցիչներ ԱՀԿ-ից, Հայաստանի Ամերիկյան համալսարանից, Համաշխարհային բանկից, միջազգային փորձագետներ, ինչպես նաև` տեղի տարբեր բժշկական հաստատությունների մասնագետներ։
Համաժողովի նպատակը «Առողջապահական ծառայությունների որակի բարելավման» ծրագրի մշակված մոդելը բժշկական հաստատություններում ներդնելուց առաջ այդ կենտրոնների ներկայացուցիչների դիտարկումները լսելը, ինչպես նաև միջազգային փորձին ծանոթանալն էր:
Արդյունքում որոշվեց ձևավորել «Առողջապահական ծառայությունների որակի բարելավման» պիլոտային ծրագրի առավել արդյունավետ մոդել, որը 2024 թվականի սկզբին կգործարկվի Հայաստանի մի քանի բուժհաստատություններում։
