14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Բայդենն ու Էրդողանն առաջիկայում հեռախոսազրույց կունենան․ ԶԼՄ-ներ
Քաղաքականություն
11.12.2023 | 22:03
ԱՄՆ նախագահ Ջո Բայդենն ու Թուրքիայի նախագահ Ռեջեփ Թայիփ Էրդողանն առաջիկայում հեռախոսազրույց են ունենալու։ Այս մասին գրում է թուրքական Hurriyet-ի սյունակագիր Աբդուլքադըր Սելվին։
Իր հերթական հրապարակման մեջ նա անդրադարձել է Իսրայել-ՀԱՄԱՍ հակամարտոթյան լուծման համար թուրքական ջանքերին՝ Էրդողանին ներկայացնելով որպես «բացառիկ դերակատար»։
«Կարծում եմ, որ Էրդողանի ուղերձները պետք է ստացած լինեն Սպիտակ տանը։ Սպասվում է, որ Բայդենը կզանգահարի Էրդողանին։ Երկու առաջնորդները հեռախոսով կզրուցեն մի քանի օրից»,- գրում է Սելվին։
Ըստ աղբյուրի՝ երկու երկրների ղեկավարների հանդիպման օրակարգային հիմնական կետը լինելու է Գազան․ քննարկվելու են մշտական հրադադարի հաստատումը, Գազայի կարգավիճակը պատերազմից հետո։
Բացի այդ, ըստ հրապարակման, երկու երկրների միջև նաև այլ հարցեր կան, ինչպես, օրինակ, F-16 կործանիչների վաճառքը և ՆԱՏՕ-ին Շվեդիայի անդամակցությունը։
Էմմա Չոբանյան
