01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Բրազիլիան զորքեր է կուտակում Վենեսուելայի հետ սահմանին՝ Կարակասի կողմից Գայանայի դեմ ռազմական ագրեսիայի սպառնալիքի պատճառով
Քաղաքականություն
07.12.2023 | 23:17
Բրազիլիան հայտարարել է Վենեսուելայի հետ սահմանին հավելյալ զորքեր տեղակայելու մտադրության մասին՝ այն բանից հետո, երբ Վենեսուելայի առաջնորդ Նիկոլաս Մադուրոն հայտարարել է Լատինական Ամերիկայի մեկ այլ երկրի՝ Գայանայի տարածքի մի մասն իր երկրին միացնելու մտադրության մասին, գրում է BBC-ի ռուսական ծառայությունը։
Նավթով հարուստ Գայանա-Էսսեկիբո շրջանը պատկանում է Գայանային, սակայն Վենեսուելան վիճարկում է դրա իրավունքները 19-րդ դարի վերջից։ Անցած կիրակի Վենեսուելայի իշխանությունները համազգային հանրաքվե են անցկացրել այս տարածքի բռնակցման հարցով։ Քվեարկության մասնակիցների 95%-ը կողմ է արտահայտվել։
Չնայած այս տպավորիչ ցուցանիշին՝ հանրաքվեին մասնակցել է ընդամենը շուրջ երկու միլիոն մարդ, այսինքն՝ ընտրելու իրավունք ունեցող բնակչության մոտավորապես 10%-ը։
Նախագահ Մադուրոյին, սակայն, դա չի կաշկանդել, նա քվեարկության արդյունքներն անվանել է անվերապահ հաղթանակ և չորեքշաբթի սկսել է իրականացնել Գայանա-Էսսեկիբոյի միացման ծրագիրը՝ առաջարկելով երկրի Ազգային ժողովին ընդունել այս տարածքը Վենեսուելայի կազմի մեջ ներառելու մասին օրինագիծը։
Մադուրոն նաև պետական նավթային ընկերությանը հանձնարարել է լիցենզիաներ տրամադրել տարածաշրջանի նավթահանքերի շահագործման համար։
