24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
ԵՄ երկրները համաձայնության են եկել արհեստական բանականության կարգավորման կանոնների շուրջ
Քաղաքականություն
07.12.2023 | 23:02
Եվրախորհրդարանը, Եվրահանձնաժողովը և Եվրամիության անդամ երկրները սկզբունքային համաձայնություն են ձեռք բերել «Արհեստական բանականության մասին» նոր օրենքի շուրջ։ Այս մասին գրում է Reuters գործակալությունը՝ վկայակոչելով բանակցությունների ընթացքին ծանոթ աղբյուրին։
Բանակցություններն այն մասին, թե ինչպես պետք է կարգավորվեն արհեստական բանականության (AI) համակարգերը, ինչպիսին է ChatGPT չաթբոտը, սկսվել են դեկտեմբերի 6-ի ցերեկը և շարունակվել մինչև ուշ գիշեր:
Գործակալության զրուցակցի խոսքով՝ ուշադրության կենտրոնում է եղել կենսաչափական հսկողության մեջ արհեստական բանականության հնարավորությունների օգտագործումը՝ ազգային անվտանգության, պաշտպանության և այլ ռազմական նպատակների պաշտպանության համար։
ԵՄ երկրների կառավարությունները 10 ժամ տևած քննարկումներից հետո փոխզիջման են գնացել, որպեսզի ստանան օրենսդիրների աջակցությունը, որոնք դեմ են կենսաչափական տվյալների միջոցով վերահսկողության իրականացմանը, նշում է Reuters-ը։
