30.05.2026 | 16:23
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ադրբեջանում 2024թ. փետրվարին արտահերթ նախագահական ընտրություններ կանցկացվեն
Քաղաքականություն
07.12.2023 | 12:55
Ադրբեջանի նախագահ Իլհամ Ալիևի որոշմամբ՝ երկրում արտահերթ նախագահական ընտրություններ կանցկացվեն։ Ալիևը ստորագրել է համապատասխան հրամանագիրը, ըստ որի՝ արտահերթ նախագահական ընտրությունները տեղի են ունենալու 2024 թվականի փետրվարի 7-ին։
Կենտրոնական ընտրական հանձնաժողովին հանձնարարվել է ապահովել նախագահի արտահերթ ընտրությունների անցկացումը՝ Ընտրական օրենսգրքով սահմանված կարգով։
Ըստ ժամանակացույցի՝ Ադրբեջանում նախագահական ընտրությունները պետք է տեղի ունենային 2025 թվականին։
Factor TV-ն ավելի վաղ անդրադարձել էր 2024 թվականին Ադրբեջանում անցկացվելիք ընտրությունների թեմային։ Մասնավորապես, ըստ տարբեր տեղեկությունների՝ երկրում սպասվում է Սահմանադրական հանրաքվե, տեղի են ունենալու նաև Միլլի Մեջլիսի և տեղական ինքնակառավարման մարմինների ընտրություններ։
Էմմա Չոբանյան
