15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
Սպիտակ տունը կարծում է, որ Գազայի հարավում զանգվածային գործողությունը կավարտվի մինչև հունվար. CNN
Քաղաքականություն
06.12.2023 | 22:00
Ըստ մի շարք ամերիկյան լրատվամիջոցների՝ Սպիտակ տան պաշտոնյաները ենթադրում են, որ Իսրայելը Գազայի հարավում լայնածավալ ռազմական գործողությունը կկարողանա ավարտել մինչև հունվար, այնուհետև անցնել ՀԱՄԱՍ-ի դեմ ավելի կետային հարձակումների:
Այսպես՝ CNN-ը, հղում անելով նախագահ Բայդենի վարչակազմի մի քանի բարձրաստիճան պաշտոնյաների, հայտնում է, որ Սպիտակ տունը մտահոգված է, թե ինչպես կշարունակվի Իսրայելի պաշտպանության բանակի հարձակումն առաջիկա շաբաթներին, և զգուշացնում է Իսրայելին վնասը նվազագույնի հասցնելու և քաղաքացիական զոհերի մասին:
Միևնույն ժամանակ, հրապարակման մեջ վկայակոչվող անանուն բարձրաստիճան պաշտոնյան ասել է, որ «ընկալունակը» լավագույն բառը չի լինի՝ նկարագրելու Իսրայելի արձագանքը Սպիտակ տան խորհուրդներին:
«Առաջիկա շաբաթների ընթացքում մենք կիրականացնենք բարձր ինտենսիվության գործողություններ, իսկ հետո, հնարավոր է, անցնենք ցածր ինտենսիվության ռեժիմի»,- CNN-ին տված հարցազրույցում ասել է իսրայելցի պաշտոնյան:
