07.11.2026 | 12:54
Գևորգ Էմին-Տերյանի նկատմամբ ֆիզիկական ներգործության կատարելու կասկածանքով 3 անձ է ձերբակալվել. ՆԳՆ
Թուրքիայի ԱԳ նախարարը հայտարարել է, որ Իսրայելի հետ առևտրատնտեսական կապերը «Պաղեստինի գործին չեն վնասում»
Քաղաքականություն
06.12.2023 | 22:40
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Թուրքիայի արտաքին գործերի նախարար Հաքան Ֆիդանը հայտարարել է, որ Իսրայելի հետ երկրի դիվանագիտական և առևտրային հարաբերությունները չեն վնասում «Պաղեստինի գործին»: Խորհրդարանում պատասխանելով ընդդիմադիր Ժողովրդահանրապետական կուսակցության պատգամավոր Մամութ Թանալի հարցին՝ Ֆիդանն ասել է, որ «Իսրայելի հետ հարաբերությունների 74-ամյա պատմությունը երբեք չի իրականացվել Պաղեստինի արդար դատի հաշվին», գրում է Duvar-ը։
«Գազայի վրա Իսրայելի բարբարոսական հարձակումների պայմաններում դեսպանը հրավիրվել է խորհրդակցությունների, ինչը միջազգային հարաբերությունների առաջատար դիվանագիտական պատասխաններից է: Մյուս կողմից, մի միջավայրում, որտեղ ՄԱԿ-ի Անվտանգության խորհուրդը չկարողացավ կանգնեցնել Իսրայելի հարձակումները, մենք ինտենսիվ կապերի մեջ ենք՝ Իսրայելի վրա անհրաժեշտ ճնշում գործադրելու համար»,- նշել է Ֆիդանը։
Հավելենք, որ չնայած Թուրքիայի նախագա Ռեջեփ Թայիփ Էրդողանը Իսրայելն անվանել է «ահաբեկչական պետություն», իսկ նրա ղեկավար Բենիամին Նեթանյահուին՝ «Գազայի դահիճ ու ռազմական հանցագործ», Անկարան շարունակում է առևտրատնտեսական ակտիվ հարաբերությունները Թել Ավիվի հետ։
Թուրք հետաքննող լրագրող Մեթին Ջիհանը բացահայտել է, որ Էրդողանի որդին՝ Բուրակ Էրդողանը, ինչպես նաև քաղաքական էլիտայի ներկայացուցիչներին պատկանող մի շարք ընկերություններ շարունակում են առևտուրը Իսրայելի հետ առանց ընդհատման։
Էմմա Չոբանյան
