29.04.2026 | 22:45
ՀՀ տարածքում ավտոճանապարհները հիմնականում անցանելի են
Թուրքական «Baykar» ընկերությունը հայտարարել է 2025թ․ տիեզերք արբանյակ ուղարկելու մտադրության մասին
Քաղաքականություն
07.12.2023 | 22:22
Աշխարհում անօդաչու թռչող սարքերի խոշորագույն արտադրողներից մեկը՝ թուրքական Baykar ընկերությունն ակնկալում է իր առաջին արբանյակը տիեզերք ուղարկել 2025 թվականին։ Այս մասին ասել է ընկերության տնօրենների խորհրդի նախագահ Սելջուկ Բայրաքթարը, փոխանցում է ՌԻԱ Նովոստին։
«Մեր տիեզերական նախաձեռնության ուղղությամբ աշխատանքները շարունակվում են արդեն 1,5 տարի։ Մենք չենք գնում այնտեղ, ուր բոլորն են գնում, մենք պատկերացնում ենք ապագան և պատրաստվում ենք մրցել այդ ապագայի համար այսօր: Մենք աշխատում ենք ցածր ուղեծրով հրամանատարական արբանյակների և ուղեծրային սարքավորումների ստեղծման ուղղությամբ: 2025 թվականին մենք տիեզերք կուղարկենք մեր առաջին արբանյակը»,- ասել է Բայրաքթարը։
Ընկերությունը կմշակի արբանյակ, որը կաջակցի համաշխարհային նավիգացիոն համակարգերի և կապի հատուկ հավելվածների նորարարությունների զարգացմանը, հավելել է նա։
