23.02.2026 | 13:03
Հայտնի են BAFTA 2026-ի հաղթողները. «Պարոն Ոչ ոքն ընդդեմ Պուտինի» ֆիլմը` լավագույն վավերագրական ֆիլմ
Ադրբեջանի և Եգիպտոսի ՊՆ ղեկավարները ռազմատեխնիկական համագործակցության հարցեր են քննարկել
Քաղաքականություն
05.12.2023 | 23:17
Ադրբեջանի պաշտպանության նախարար Զաքիր Հասանովը, որը Եգիպտոսում է EDEX 2023 միջազգային պաշտպանական ցուցահանդեսին մասնակցելու նպատակով, հանդիպել է Եգիպտոսի պաշտպանության նախարար գեներալ-գնդապետ Մուհամմեդ Ահմեդ Զաքիի հետ։
«Հանդիպման ընթացքում կողմերը քննարկել են ռազմական և ռազմատեխնիկական ոլորտներում երկկողմ համագործակցության զարգացման ներկա վիճակն ու հեռանկարները, ինչպես նաև փոխադարձ հետաքրքրություն ներկայացնող այլ հարցեր»,- ասվում է Ադրբեջանի ՊՆ հաղորդագրության մեջ։
Նշենք, որ նախօրեին ցուցահանդեսի ընթացքում Հասանովը հանդիպել է թուրքական պաշտպանական մի շարք ընկերությունների ներկայացուցիչներին, ծանոթացել իտալական Leonardo ընկերության, ինչպես նաև եգիպտական ARMADA և AOI ընկերությունների տաղավարներում ներկայացված ժամանակակից սպառազինության և ռազմական տեխնիկայի նմուշներին։
Էմմա Չոբանյան
