23.11.2024 | 00:16
Փաշինյանը պատմեց՝ ինչու որոշեց սափրել մորուքը. ՏԵՍԱՆՅՈՒԹ
Ուժի կիրառմամբ 150,000 մարդ ստիպված եղավ լքել տներն ու փախչել․ Բորելը՝ ԼՂ-ում Ադրբեջանի էթնիկ զտման մասին
Քաղաքականություն
05.12.2023 | 17:08
Ժամանակի դժվարությունները, որում մենք ապրում ենք, պետք է միայն խրախուսեն՝ շարունակել պաշտպանել մարդու իրավունքներն ամբողջ աշխարհում: Այս մասին հայտարարել է ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Ժոզեպ Բորելը ԵՄ-ՀԿ Մարդու իրավունքների 25-րդ համաժողովում ունեցած ելույթում։
«Որովհետև այն, ինչ տեսնում ենք, դաժան ուժային քաղաքականության վերադարձն է։ Ավելի ու ավելի շատ հակամարտություններ են լուծվում ուժի կիրառմամբ, մի բան, որը ենթադրաբար արգելված էր»,- ասել է Բորելը՝ անդրադառնալով ԼՂ-ում Ադրբեջանի կողմից իրականացված ագրեսիային ու էթնիկ զտմանը։
«Տեսեք, օրինակ, թե ինչ տեղի ունեցավ Ադրբեջանում և Հայաստանում։ Վաղուց սառեցված հակամարտություն, որը հանկարծակի ծագեց, չէի ասի, թե լուծվել է, սակայն վճռական նշանակություն ունեցավ ռազմական միջամտությունը, որը մեկ շաբաթվա ընթացքում ստիպեց 150,000 մարդու տեղափոխվել: Մեկ շաբաթվա ընթացքում 150,000 մարդ ստիպված եղավ լքել իրենց տներն ու փախչել»,- հավելել է նա։
Ժոզեպ Բորելը նաև նշել է, որ «միջազգային հանրությունն այդ կապակցությամբ ափսոսանք, մտահոգություն է հայտնել, հումանիտար աջակցություն ուղարկել, բայց դա տեղի է ունեցել ուժի կիրառմամբ»։
Էմմա Չոբանյան
