24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Ադրբեջանի էներգետիկայի նախարարը հանդիպել է ԱՄՆ պետքարտուղարի օգնականին
Քաղաքականություն
05.12.2023 | 22:24
Ադրբեջանի էներգետիկայի նախարար Փարվիզ Շահբազովը ԱՄԷ-ում հանդիպել է ԱՄՆ պետքարտուղարի էներգետիկ ռեսուրսների գծով օգնական Ջեֆրի Պայետի հետ։ Ադրբեջանական կողմի հաղորդմամբ՝ հանդիպումը տեղի է ունեցել Դուբայում COP28-ի շրջանակում:
Պայետը նախ ծանոթացել է Ադրբեջանի տաղավարին, որտեղ նրան տեղեկացվել է «կանաչ» էներգետիկայի և կլիմայական պետական քաղաքականության, երկրի «կանաչ զարգացման» կուրսի իրականացման նպատակների և առաջընթացի մասին։
Հանդիպմանը քննարկվել են մեթանի արտանետումների նվազեցմանն ուղղված միջոցառումները, Ադրբեջանում ցամաքում և ծովում «կանաչ» էներգիայի աղբյուրների ստեղծումը, ջրածնի արտադրությունը, ինչպես նաև Կասպից ծով-Սև ծով-Եվրամիություն էներգետիկ միջանցքով Եվրոպային էլեկտրաէներգիա և կանաչ ջրածին մատակարարելու հեռանկարները՝ որպես էներգետիկ անվտանգության ապահովման «Կանաչ էներգետիկ միջանցք» նախագծի մաս:
Նշվել է, որ 2027 թվականին երկրի էներգոհամակարգին կմիանա վերականգնվող էներգիայի 1870 ՄՎտ հզորությունը, իսկ հաջորդ փուլում կիրականացվի Եվրոպա կանաչ էներգիա արտահանելու նախագիծը։
Քննարկվել են նաև էներգետիկ միջանցքին Կենտրոնական Ասիայի երկրների միանալու հնարավորության հեռանկարները։
Էմմա Չոբանյան
