14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
ՌԴ-ն ծրագրել էր արշավ սկսել ՆԱՏՕ-ին Ֆինլանդիայի և Շվեդիայի անդամակցության դեմ․ Supo
Քաղաքականություն
04.12.2023 | 23:17
Ռուսաստանը նախատեսել է կանխել Ֆինլանդիայի և Շվեդիայի անդամակցությունը ՆԱՏՕ-ին։ Ֆինլանդիայի անվտանգության ոստիկանությունը (Supo) հաստատել է, որ տեղյակ է եղել ցույցեր հրահրելու ռուսական հետախուզության ծրագրերի մասին։ Այս մասին հայտնի է դարձել գաղտնի հետախուզական զեկույցից, գրում է err.ee-ն։
Ստացված տեղեկատվության համաձայն՝ ռուսական հետախուզությունը պատրաստվում էր ՆԱՏՕ-ին անդամակցելու գործընթացն ապակայունացնելու արշավ իրականացնել՝ նախքան դաշինքին անդամակցելու հարցով երկրների հավանություն ստանալը։ Այդ արշավի շրջանակում, ի թիվս այլ բաների, նախատեսվել է կազմակերպել բողոքի ակցիաներ և ցույցեր։ Ծրագրի մասին հայտնի է դարձել ռուսական հետախուզության աշխատակցի գրած հուշերից: Արտահոսքի արդյունքում փաստաթուղթը հայտնվել է հետաքննություններով զբաղվող «Դոսյե» կենտրոնում։
Ծրագրում ասվում է, որ Շվեդիայում Ղուրանի այրման ակցիաներին հաջորդած և բռնություններով ուղեկցված բողոքի ցույցերը մեծացրել են ԵՄ երկրներում իսլամի հանդեպ վախը: Փաստաթուղթն այդ լարվածության հետագա սրման կոչ է անում։ Նպատակն է եղել Թուրքիայի, ինչպես նաև եվրոպական երկրների և ՆԱՏՕ-ի միջև հակամարտությունների մեծացումը։
Ֆինլանդիայի անվտանգության ոստիկանությունը հաստատում է, որ իրենք իմացել են երկրում ցույցեր հրահրելու՝ ռուսական հետախուզության ծրագրերի մասին։ Supo-ն չի մեկնաբանել հետագա օպերատիվ գործունեությունը:
Նշվում է, որ MOT-ի ձեռք բերված փաստաթղթերում որևէ նշան չկա, որ Ռուսաստանն իրականացրել է իր ծրագրերը Ֆինլանդիայում։
Էմմա Չոբանյան
