23.07.2026 | 20:48
Հրաժարականի լուրեր և ջնջված հրապարակումներ․ ի՞նչ է կատարվում վարչապետի աշխատակազմում․ ՏԵՍԱՆՅՈՒԹ
Գազայում մարդկային կորուստների թիվը գերազանցել է 15,800-ը
Քաղաքականություն
04.12.2023 | 21:37
Գազայի հատվածում հակամարտության սրման հետևանքով զոհերի թիվը գերազանցել է 15,8 հազարը, վիրավորվել է 42 հազար մարդ։ Այս մասին հայտնել է Պաղեստինի Առողջապահության նախարարությունը։
«Գազայի հատվածում իսրայելական ագրեսիայի սկզբից ի վեր զոհերի թիվը հասել է 15,899-ի»,- գերատեսչության ներկայացուցչի խոսքերն է մեջբերում Al Jazeera-ն։
Հեռուստաընկերությունը հայտնում է, որ Գազայի հատվածում վերջին 24 ժամվա ընթացքում հարյուրավոր պաղեստինցիներ են սպանվել իսրայելական ավիահարվածների հետևանքով, քանի որ իսրայելական բանակը հրամայել էր տարհանել անկլավի մեծությամբ երկրորդ քաղաքի՝ Խան Յունիսի ավելի շատ տարածքներ:
Գազայում կառավարական ԶԼՄ-ների գրասենյակի գլխավոր տնօրենը Al Jazeera-ին ասել է, որ կիրակի ավելի քան 700 պաղեստինցի է սպանվել այն բանից հետո, երբ Իսրայելը վերսկսել է ռմբակոծությունները՝ ուրբաթ ավարտված 7-օրյա զինադադարից հետո:
