15.01.2026 | 12:27
Նիկոլ Փաշինյանի ճեպազրույցը՝ ՈՒՂԻՂ
Արգենտինան հրաժարվել է միանալ BRICS-ին
Քաղաքականություն
01.12.2023 | 23:00
Արգենտինան որոշել է չմիանալ հիմնական զարգացող տնտեսությունների BRICS դաշինքին, որը ներկայանում է որպես G7-ի և ընդհանրապես Արևմուտքի հակակշիռ, գրում է DW-ի ռուսական ծառայությունը:
«Մենք չենք միանա BRICS խմբին»,- գրել է Արգենտինայի ապագա արտգործնախարար Դիանա Մոնդինոն X սոցիալական ցանցում։
Այսպիսով, նա մերժել է Ասիայի, Աֆրիկայի և Լատինական Ամերիկայի երկրների, ինչպես նաև Ռուսաստանի միջպետական ասոցիացիայի հրավերը, որը ստացել էր անցյալ ամառ Հարավային Աֆրիկայում BRICS-ի գագաթնաժողովում։
Նոյեմբերին կայացած նախագահական ընտրություններում լիբերալ Խավիեր Մայլիի ջախջախիչ հաղթանակից հետո Արգենտինան ծրագրում է լայնածավալ տնտեսական բարեփոխումներ իրականացնել: Ի թիվս այլ հարցերի՝ Մայլին չի աջակցում BRICS խմբին երկրի միանալու գաղափարին։
Հավելենք, որ երկրի նոր կառավարության երդմնակալությունը տեղի կունենա դեկտեմբերի 10-ին։
