14.12.2024 | 19:57
Ինչ իրավիճակ է ճանապարհներին 19։35-ի դրությամբ
ՕՊԵԿ+-ի երկրները պայմանավորվել են կրճատել նավթի արդյունահանումը` գները պահպանելու համար
Քաղաքականություն
30.11.2023 | 23:03
ՕՊԵԿ+-ի երկրները նախապես՝ կարտելի անդամների հանդիպումից առաջ պայմանավորվել են հաջորդ տարվա սկզբին արդյունահանումը կրճատել օրական ավելի քան մեկ միլիոն բարելով։ Այս մասին հայտնում է Reuters-ը՝ վկայակոչելով երկու պատվիրակների։
Կրճատումը, ըստ Reuters-ի զրուցակիցների, կարող է կազմել օրական 1-2 մլն բարել 2024 թվականի առաջին եռամսյակում։
Գործակալության զրուցակիցների խոսքով՝ պայմանավորվածությունների շրջանակում Սաուդյան Արաբիան կերկարաձգի արդյունահանման կրճատումն օրական մեկ միլիոն բարելով, որն ուժի մեջ է մտնում հուլիսից։ Հայտնի չէ, թե ինչ ներդրում կունենան կարտելի մյուս մասնակիցները, գրում է Reuters-ը։
Այս լուրերից հետո Brent տեսակի նավթի գինը երեք շաբաթվա ընթացքում առաջին անգամ գերազանցել է մեկ բարելի դիմաց 84 դոլարը։
ՕՊԵԿ+-ի անդամները, ներառյալ՝ Սաուդյան Արաբիան և Ռուսաստանը, արդյունահանում են համաշխարհային նավթի ավելի քան 40%-ը (օրական մոտ 43 մլն բարել): Այժմ արդյունահանումը կրճատվել է օրական մոտ 5 մլն բարելով։
