07.11.2026 | 12:34
Ռուսաստանում հրթիռակոծվել է «Իսկանդեր» հրթիռների համար սարքավորումներ արտադրող գործարանը․ խոշոր հրդեհ է բռնկվել
Սև ծովում փոթորկի պատճառով Ռուսաստանը կորցրել է իր մարտական դելֆիններին
Քաղաքականություն
30.11.2023 | 23:17
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Վարժեցված դելֆինները, որոնք Ռուսաստանն օգտագործում էր Ղրիմում իր նավատորմը պաշտպանելու համար, անհետացել են նոյեմբերի 26-ին տարածաշրջանին պատուհասած հզոր փոթորկից հետո: Այն, որ Սևաստոպոլի ծոցից անհետացել են մարտական կենդանիների համար նախատեսված պարիսպները, վկայում են արբանյակային լուսանկարները, որոնք ուսումնասիրել է OSINT-ի վերլուծաբան Հայ Սյութոնը, փոխանցում է The Moscow Times-ը։
Նա չի բացառել, որ կառույցները հեղեղվել են կամ ջուրը քշել է դրանք, ինչի արդյունքում դելֆիններն ազատ են արձակվել։
«Հնարավոր է, որ ռուսական նավատորմը կառույցները տեղափոխել է փոթորկից առաջ, բայց ներկայում դրա որևէ ապացույց չկա»,- հավելել է վերլուծաբանը:
Նա նաև հիշեցրել է, որ մարտական դելֆինները մեծացել են գերության մեջ, սննդի հարցում կախված են եղել իրենց մարզիչներից և դժվար թե կարողանան հոգալ իրենց կարիքները: Այսպիսով, բաց ծովում գտնվելը նրանց համար կարող է մահվան դատավճիռ լինել։
Փոթորիկը նաև քշել է պաշտպանական կառույցները, որոնք օգտագործվել են Ղրիմի կամուրջը ծովային դրոններից պաշտպանելու համար, նշել է OSINT-ի մեկ այլ վերլուծաբան Բրեդ Աֆրիկը:
