12.01.2025 | 15:30
Ձեր հիմնական առաքելությունը ոչ թե արդարադատության իրականացումն է, այլ արդարության սահմանումը․ Գալյանը՝ դատավորներին
Ռուսաստանն ուկրաինական պատերազմում ևս մեկ գեներալի կորուստ ունի
Քաղաքականություն
30.11.2023 | 20:29
Մոսկվայի «Կրեմլ» բարձրագույն համազորային հրամանատարության ուսումնարանի շրջանավարտների կազմակերպությունը հայտնել է, որ Ուկրաինայում սպանվել է գեներալ-մայոր Վլադիմիր Զավադսկին, գրում է Meduza-ն։
Կազմակերպության հաղորդագրության մեջ նշվում է, որ նա մահացել է նոյեմբերի 28-ին։ Մահվան պատճառը չի նշվում։
«ВЧК-ОГПУ» տելեգրամ-ալիքի անանուն աղբյուրի տվյալներով էլ՝ գեներալը մահացել է թիկունքում ականի վրա պայթելու հետևանքով։ Հաղորդվում է, որ Զավադսկին եղել է 14-րդ բանակային կորպուսի հրամանատարի տեղակալը։
ՌԴ ՊՆ-ն որևէ կերպ չի մեկնաբանել գեներալի մահվան մասին լուրերը։
«Важные истории»-ն էլ հայտնում է, որ սա ուկրաինական պատերազմի մեկնարկից ի վեր ՌԴ զինված ուժերի բարձրաստիճան սպաների մահվան 12-րդ դեպքն է։
Էմմա Չոբանյան
