07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Պուտինը չի դադարեցնի Ուկրաինայում պատերազմը` մինչև ԱՄՆ-ում նախագահական ընտրությունների արդյունքները․ Պետդեպի պաշտոնյա
Քաղաքականություն
29.11.2023 | 18:52
ՌԴ նախագահ Վլադիմիր Պուտինը խաղաղության համաձայնագիր չի կնքի Ուկրաինայի հետ, քանի դեռ չի իմացել 2024 թվականի նոյեմբերին կայանալիք ԱՄՆ նախագահական ընտրությունների արդյունքները։ Այս մասին հայտարարել է ԱՄՆ Պետքարտուղարության բարձրաստիճան պաշտոնյան, գրում է Reuters-ը։
«Ես կանխատեսում եմ, որ Պուտինը չի կնքի խաղաղության կամ բովանդակալից խաղաղության համաձայնագրի՝ նախքան մեր ընտրությունների արդյունքները տեսնելը»,- ասել է պաշտոնյան անանունության պայմանով։
Նա նշել է, որ դա ոչ միայն իր անձնական կարծիքն է, այլև «լայնորեն տարածված տեսակետ»։
«Այդ համատեքստում է, որ բոլոր դաշնակիցներն ուժեղ աջակցություն են հայտնել Ուկրաինային նոյեմբերի 28-ին Բրյուսելում ՆԱՏՕ-ի արտգործնախարարների հանդիպման ժամանակ»,- հավելել է պաշտոնյան։
Այս հայտարարությունը հնչում է Դոնալդ Թրամփի՝ Սպիտակ տուն հնարավոր վերադարձի վերաբերյալ մտավախությունների ֆոնին, որը, ինչպես մյուս հանրապետականները, դեմ է Կիևին լայնածավալ ռազմական օգնության։
ԱՄՆ-ում հասարակական կարծիքի ընթացիկ հարցումները ցույց են տալիս, որ Դոնալդ Թրամփը և նախագահ Ջո Բայդենը նախագահի պաշտոնում ընտրվելու մոտավորապես հավասար հնարավորություններ ունեն։
Էմմա Չոբանյան
