23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Բաքու-Վաշինգտոն լարված հարաբերությունների ֆոնին՝ ԱՄՆ նոր դեսպանը շաբաթվա վերջին կժամանի Ադրբեջան
Քաղաքականություն
29.11.2023 | 21:47
Ադրբեջանում ԱՄՆ նորանշանակ դեսպան Մարկ Լիբբին այս շաբաթվա վերջին կժամանի Բաքու։ Այս մասին ադրբեջանական Թուրանին հայտնի է դարձել դիվանագիտական աղբյուրներից։
Այցը տեղի է ունենում երկկողմ հարաբերություններում վերջին լարվածության ֆոնին։ Կարիերային դիվանագետ Լիբբին նոյեմբերի սկզբին պաշտոնում հաստատել էր Սենատը՝ նշանակումից գրեթե մեկուկես տարի անց: Վաշինգտոնը դեսպան չունի Ադրբեջանում անցյալ ամռանից, երբ Լի Լիցենբերգերը հեռացել էր ծառայությունից։
Լիբիի ժամանումը Բաքու տեղի է ունենում պետքարտուղար Էնթոնի Բլինքենի՝ Ադրբեջանի նախագահ Իլհամ Ալիևի հետ հեռախոսազրույցից օրեր անց:
Նշենք, որ Մարկ Լիբբին տարբեր պաշտոններ է զբաղեցրել Պետքարտուղարության Կենտրոնական և Հարավային Եվրոպայի հարցերով վարչություններում, Բրյուսելում, Վարշավայում, Նիկոսիայում և Բաղդադում ԱՄՆ դիվանագիտական առաքելություններում, տիրապետում է լեհերենին և ֆրանսերենին։
Էմմա Չոբանյան
