15.01.2026 | 12:47
Անի Ամիրաղյանը դուրս է եկել 1/8 եզրափակիչ
ՌԴ-ն Ուկրաինայում 300 հազար կորուստ է ունեցել․ Ստոլտենբերգ
Քաղաքականություն
29.11.2023 | 22:00
Ուկրաինա լայնամասշտաբ ներխուժման սկզբից ի վեր ռուսական բանակի կորուստները գերազանցել են 300 հազարը՝ սպանված և վիրավոր։ DW-ի ռուսական ծառայության փոխանցմամբ՝ այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը։
«Ռազմական առումով Ռուսաստանը կորցրել է իր սովորական զինված ուժերի զգալի մասը»,- ընդգծել է նա Բրյուսելում Ուկրաինայի արտգործնախարար Դմիտրի Կուլեբայի հետ հանդիպումից հետո։
Բացի այդ, Ռուսաստանը կորցրել է «հարյուրավոր ինքնաթիռներ և հազարավոր տանկեր», ասել է ՆԱՏՕ-ի գլխավոր քարտուղարը:
Նա չի հստակեցրել, թե 300 հազար մարդուց քանիսն են զոհվել, քանիսը՝ վիրավորվել։ Ուկրաինական կողմի կորուստների մասին ՆԱՏՕ-ի գնահատականները նույնպես չեն հաղորդվում, նշում է dpa գործակալությունը։
Խոսելով ռուսական կորուստների մասին՝ Յենս Ստոլտենբերգը զգուշացրել է՝ հույսեր չփայփայել, որ մեծ կորուստները կհանգեցնեն Ուկրաինայի պատերազմի արագ ավարտին։ Նրա խոսքով՝ ՌԴ նախագահ Վլադիմիր Պուտինն ունի «հանդուրժողականության բարձր շեմ», երբ խոսքը վերաբերում է զոհերին։
