07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
ՌԴ-ն չի երկարաձգի Ճապոնիայի հետ միջուկային զենքի մասին համաձայնագիրը
Քաղաքականություն
29.11.2023 | 22:27
ՌԴ ԱԳ նախարարությունը Ճապոնիային տեղեկացրել է միջուկային զենքի վերացման մասին համաձայնագիրը չերկարաձգելու մտադրության մասին։ Խոսքը 1993 թվականի հոկտեմբերի 13-ի համաձայնագրի մասին է, որի ժամկետը լրանում է 2024 թվականի մայիսի 21-ին, գրում է VOA-ն։
ՌԴ ԱԳՆ-ն համագործակցության դադարեցումը բացատրել է Ճապոնիայի վարչապետ Ֆումիո Կիշիդայի «բացահայտ հակառուսական քաղաքականությամբ»։
Ի պատասխան Ուկրաինայի վրա Ռուսաստանի հարձակման՝ Տոկիոն միացել է Մոսկվայի դեմ ԱՄՆ-ի և G7-ի մյուս երկրների կողմից սահմանված պատժամիջոցներին:
Ուկրաինա Ռուսաստանի լայնածավալ ներխուժման սկզբից ի վեր կրեմլամետ տարբեր քաղաքական և հասարակական գործիչներ, երբեմն էլ՝ պետական պաշտոնյաներ խոսել են միջուկային զենքի կիրառման հնարավորության մասին։ Արևմտյան երկրները Ռուսաստանին մեղադրում են միջուկային անխոհեմ հռետորաբանության համար։
Հոկտեմբերի վերջին Ռուսաստանը միջուկային հարվածների զանգվածային վարժանքներ անցկացրեց։ Պաշտպանության նախարարությունը հայտնել է, որ զորավարժությունն անցել է ՌԴ նախագահ Վլադիմիր Պուտինի անձնական հսկողության ներքո։
Նոյեմբերի սկզբին ՌԴ նախագահը ստորագրեց օրենք, որով չեղյալ է հայտարարվում Մոսկվայի կողմից Միջուկային համապարփակ համաձայնագրի վավերացումը։ Փաստաթուղթն ընդունվել է 1996 թվականին։ Այն, ի թիվս այլ երկրների, վավերացրել է Ռուսաստանը, բայց ո՛չ ԱՄՆ-ը կամ Չինաստանը:
Ժամանակակից Ռուսաստանում իրական միջուկային լիցքի պայթյունի հետ կապված միջուկային փորձարկումներ չեն իրականացվել։
