23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ժամանակն է սկսել բանակցությունները և վերջ տալ այդ ամենին․ ռուս միլիարդատերը՝ Ուկրաինայում պատերազմի մասին
Քաղաքականություն
28.11.2023 | 23:30
Ռուսաստանցի միլիարդատեր Օլեգ Դերիպասկան, որն ամերիկյան պատժամիջոցների տակ էր հայտնվել դեռևս Ուկրաինայի դեմ Ռուսաստանի պատերազմի սկսվելուց առաջ, իսկ 2022 թվականի ապրիլին ընկել էր եվրոպական պատժամիջոցների տակ, հանդես է եկել խաղաղ բանակցությունների օգտին։ Այս մասին են վկայում նրա Telegram-ալիքի գրառումները։
«Եվրոպայում ձմեռը կարող է իսկապես ցուրտ լինել»,- գրել է նա երեքշաբթի իր առաջին գրառման մեջ:
«Ինչպես երևում է՝ Ուկրաինայում ևս խիստ ձմեռը վարկանիշը կիջեցնի մինչև պատմական նվազագույնի։ Սեպտեմբերին ասում էին՝ ժամանակն է սկսել բանակցությունները և վերջ տալ այս ամենին…»,- նշել է գործարարը երկրորդ գրառման մեջ։
Պատերազմի սկզբից Դերիպասկան բազմիցս զգուշավոր հայտարարություններ է արել խաղաղության օգտին, սակայն երբեք չի քննադատել Ռուսաստանի իշխանություններին Ուկրաինա ներխուժելու համար։
Ուկրաինայի իշխանությունները բացառում են նախագահ Վլադիմիր Պուտինի հետ բանակցությունները, որոնք կներառեն տարածքային զիջումներ։ Պուտինը բազմիցս հայտարարել է, որ պատրաստ է վերսկսել բանակցությունները, որոնք ընդհատվել էին 2022 թվականի մարտին, սակայն Կիևում դա համարում են քաղաքական հնարք։
