Քաղաքականություն
28.11.2023 | 23:04
Մոսկվայում տեղի է ունեցել Ռուս-ադրբեջանական փորձագիտական խորհրդի չորրորդ նիստը, որն այս անգամ նվիրված է եղել «Ռուսաստանի և Ադրբեջանի փոխգործակցությունը Հարավային Կովկասում հետկոնֆլիկտային զարգացման համատեքստում» թեմային, գրում են ադրբեջանական լրատվամիջոցները։
Նշվում է, որ փակ նիստերի ընթացքում մասնակիցները քննարկել են տարածաշրջանային անվտանգությանը, գլոբալ մարտահրավերների առջև համագործակցությանը և «3+3» ձևաչափով տարածաշրջանային համագործակցության ամրապնդմանը վերաբերող հարցեր՝ նոր աշխարհաքաղաքական ռիսկերը նվազեցնելու համար, հատկապես՝ Հարավային Կովկասում:
Հատկապես ուշադրություն է դարձվել տարածաշրջանային հաղորդակցության խնդիրներին, ինչպիսիք են Հյուսիս-Հարավ միջազգային տրանսպորտային միջանցքը, Անդրկասպյան միջազգային տրանսպորտային երթուղին Արևելք-Արևմուտքը և, այսպես կոչված, «Զանգեզուրի միջանցքը»։
Հանդիպման արդյունքներով ընդունվել է կոմյունիկե, որն արտացոլում է Խորհրդի գործնական առաջարկությունները երկու երկրների միջև հարաբերությունների զարգացման տարբեր ասպեկտների վերաբերյալ։
Էմմա Չոբանյան
