23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Մետրոյով տուն գնալը՝ պատիժ․ վագոնում «գրկախառնություններ» են․ ՏԵՍԱՆՅՈՒԹ
Հասարակություն
24.11.2023 | 21:17
Յուրաքանչյուր աշխատանքային օր ժամը 18:00-ից սկսած Երևանի մետրոյում բարդ իրավիճակ է․ գնացքները «Հանրապետության հրապարակ» կայարան են հասնում գերբեռնված, ուղևորներից շատերին չի հաջողվում վագոն մտնել։
Ուղևորները դժգոհում են՝ միայն մետրոյի կայարաններում սպասում են մինչև 30 րոպե, որպեսզի գոնե կանգնելու համար տեղ գտնեն գնացքներում։ Աշխատանքային ժամի ավարտից հետո, եթե ուղևորներին անգամ հաջողվում է մուտք գործել գնացք, ապա երթևեկում են գրեթե գրկախառնված։
Երևանի մետրոպոլիտենի մամուլի խոսնակ Տաթև Խաչատրյանը ստեղծված իրավիճակը բացատրում է ուղևորահոսքի ծավալի աճով։ Ըստ նրա՝ անցած տարվա համեմատ՝ ուղևորների թիվը մեկ օրվա կտրվածքով աճել է մինչև 40 հազարով։
Ուղևորների թվի ավելացմանը զուգահեռ, սակայն, մետրոպոլիտենը չի ավելացնում շարժակազմերի վագոնների թիվը։ Տաթև Խաչատրյանի փոխանցմամբ՝ առկա են տեխնիկական խնդիրներ․ Կառավարությունը ֆինանսավորել է, և այժմ վերանորոգման աշխատանքներ են իրականացվում։
Այս պահին գործում է երեք վագոն ունեցող երկու գնացք, երրորդը վերանորոգման փուլում է։ Այն, ըստ մետրոպոլիտենի խոսնակի, առաջիկայում դուրս կգա երթուղի։ Թե դա որքանով կլուծի արժանապատիվ պայմաններում ուղևորափոխադրում կազմակերպելու խնդիրը, պարզ կլինի գործարկումից հետո։
Մանրամասները՝ տեսանյութում։
Նարեկ Կիրակոսյան
