08.09.2026 | 22:48
Զելենսկին հայտնել է սեպտեմբերի վերջին Թրամփի հետ հանդիպելու ծրագրերի ու Ուկրաինա-ԱՄՆ-ՌԴ հնարավոր բանակցությունների մասին
Ժամկետանց երշիկ, կաթնամթերք Երևանի խանութներում. վաճառողները պնդում են` մատակարարի մեղքն է․ ՏԵՍԱՆՅՈՒԹ
Հասարակություն
25.11.2023 | 13:02
Ժամկետանց, պիտակի բացակայությամբ կամ թերի լրացված պիտակով․ այսպիսի խախտումներ են արձանագրել մայրաքաղաքի մեծ ու փոքր խանութներում Երևանի քաղաքապետարանի առևտրի և ծառայությունների վարչության աշխատակիցները։ Թեև տնտեսվարողներն ընդունում են, որ ապրանքը ժամկետանց է, սակայն պնդում են՝ հաճախ դա իրենց մեղքով չէ, մատակարարն է պիտանիության ժամկետն անցած ապրանք տալիս, կամ էլ ասում են՝ վերադարձի նպատակով են դրել։
Խանութում ժամկետանց ապրանք հայտնաբերելու դեպքում սեփականատերը տուգանվում է և պարտավորվում վաճառքից հանել ոչ պիտանի ապրանքները: Խախտումներն արձանագրելուց հետո քաղաքապետարանի իրավաբանական վարչությունը նիստ է հրավիրում խանութի սեփականատիրոջ մասնակցությամբ, որտեղ էլ որոշվում է տուգանքի չափը։
Մեկ այլ խանութում վաճառողների արդարացումները կրկին նույնն էին՝ ժամկետանց ապրանքը դրել են, որ վերադարձնեն․ քաղաքապետարանի աշխատակիցները կրկին բացատրում են՝ դրանք սպառողի աչքից հեռու պետք է դրված լինեին։
Երևանի քաղաքապետարանի առևտրի և ծառայությունների վարչության արձանագրությունները ցույց են տալիս, որ խախտումներ հիմնականում լինում են երշիկեղենի ու կաթնամթերքի բաժիններում: Հաճախ նաև աշխատակիցները համապատասխան արտահագուստ չեն կրում․ սա ևս խախտում է, որի դեպքում նախատեսված է տուգանք՝ յուրաքանչյուր աշխատողի համար 20 հազար դրամի չափով։
Մանրամասները՝ տեսանյութում։
Արփի Հակոբյան
