10.04.2026 | 16:03
Խաղաղության կուսակցությունը մենք ենք, այդպիսին ենք եղել ի սկզբանե. Լևոն Զուրաբյան․ ՏԵՍԱՆՅՈՒԹ
Չինաստանում թոքաբորբի բռնկումների պոտենցիալ տագնապալի աճ է․ ԱՀԿ-ն տեղեկատվություն է խնդրել
Քաղաքականություն
24.11.2023 | 22:30
Առողջապահության համաշխարհային կազմակերպությունը պաշտոնական խնդրանք է ուղարկել Չինաստանին՝ երեխաների մոտ շնչառական հիվանդությունների և թոքաբորբի բռնկումների պոտենցիալ տագնապալի աճի մասին տեղեկություններ ստանալու համար, գրում է VOA-ն:
ԱՀԿ-ն հայտնել է, որ չինացի պաշտոնյաները կազմակերպությանն ասել են, որ իրենք չեն հայտնաբերել որևէ «անսովոր կամ նոր» հիվանդություն:
Գրիպի վիրուսի կամ այլ վիրուսների նոր շտամների ի հայտ գալը, որոնք կարող են համավարակ առաջացնել, սովորաբար սկսվում է շնչառական հիվանդությունների չախտորոշված բռնկումներով: Թե՛ սուր շնչառական համախտանիշը (SARS), թե՛ COVID-19-ը նկարագրվել են որպես թոքաբորբի անսովոր տեսակներ:
Արտաքին փորձագետները հայտնել են, որ իրավիճակը պահանջում է մանրակրկիտ մոնիթորինգ, բայց համոզված չեն, որ Չինաստանում շնչառական հիվանդությունների վերջին աճը վկայում է նոր գլոբալ բռնկման սկզբի մասին:
