07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
HRW-ի տնօրենը Եվրոպային կոչ է անում ճնշում գործադրել Թուրքիայի վրա՝ մարդու իրավունքների վատթար իրավիճակի մասով
Քաղաքականություն
22.11.2023 | 22:50
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Human Rights Watch միջազգային իրավապաշտպան կազմակերպության Եվրոպայի և Կենտրոնական Ասիայի գծով տնօրեն Հյու Ուիլյամսոնը կոչ է արել Եվրամիությանը և նրա անդամ երկրներին մարդու իրավունքների խնդիրները դնել Թուրքիայի հետ իրենց հարաբերությունների կենտրոնում, հատկապես՝ Օսման Քավալայի ու ևս չորսի գործի առումով, որով նրանց սպառնում է ցմահ ազատազրկում, գրում է Bianet-ը։
Ուիլյամսոնը նշում է, որ ԵՄ-ն չպետք է անտեսի «մարդու իրավունքների վատթարացող իրավիճակը» Թուրքիայում, որտեղ կառավարությունը ճնշում է այլախոհությունը, լրատվամիջոցների ազատությանը և քաղաքացիական հասարակությանը: Նա նաև քննադատել է ԵՄ-ին այն բանի համար, որ կառույցը հստակ դիրքորոշում չունի Քավալայի և նրա համախոհների դատավարության վերաբերյալ, որոնք մեղադրվում են 2013 թվականին Թուրքիայում խաղաղ ցույցեր կազմակերպելու միջոցով կառավարությունը տապալելու փորձի մեջ:
«ԵՄ-ն պետք է հստակ ցույց տա, որ Թուրքիայում մարդու իրավունքների վիճակն առանցքային գործոն է դաշինքի հետ հարաբերություններում, և որ Անկարայից կոնկրետ քայլեր է ակնկալում՝ դրանք բարելավելու համար։ ԵՄ-ն պետք է նաև հրապարակավ և մասնավոր կերպով կոչ անի Թուրքիային՝ չեղարկել Քավալայի և մյուսների դեմ անհիմն մեղադրանքները և անհապաղ ու անվերապահ ազատ արձակել նրանց»,- նշել է Ուիլյամսոնը։
Նրա հայտարարությունը հնչում է 2023 թվականի նոյեմբերի 25-ին նախատեսված ԵՄ-Թուրքիա գագաթնաժողովից առաջ։ Ուիլյամսոնն ասել է, որ գագաթնաժողովը չպետք է «բաց թողնված հնարավորություն» լինի ԵՄ-ի համար՝ բարձրաձայնելու իր մտահոգությունները Թուրքիայում մարդու իրավունքների վերաբերյալ և ճնշում գործադրելու իմաստալից բարեփոխումներ իրականացնելու համար:
«ԵՄ-ն պարտավոր է պաշտպանել Թուրքիայում այն մարդկանց իրավունքները, որոնք վերջին տարիներին բախվել են աճող բռնաճնշումների և անարդարության։ ԵՄ-ն չպետք է փոխի մարդու իրավունքներն այլ շահերի հետ, այլ ավելի շուտ օգտագործի իր լծակները՝ աջակցելու Թուրքիայում դրական փոփոխություններին»,- ասել է Հյու Ուիլյամսոնը։
Էմմա Չոբանյան
