07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Հյուսիսային Կորեան հայտնել է լրտեսական արբանյակի հաջող արձակման մասին
Քաղաքականություն
22.11.2023 | 23:02
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Հյուսիսային Կորեան հայտնել է, որ իր առաջին լրտեսական արբանյակը հաջողությամբ ուղարկել է ուղեծիր, և խոստացել է մոտ ապագայում արձակել ևս մի քանիսը, գրում է Euronews-ը։
Այս ամենը հերթական լարվածությունն է առաջացրել Կորեական թերակղզում։ Ի պատասխան՝ Սեուլը հայտարարել է, որ դադարեցնում է Փհենյանի հետ 2018 թվականի ռազմական համաձայնագրի դրույթներից մեկի կիրարկումը և վերսկսում օդային հսկողությունը սահմանային գոտում։
Հյուսիսային Կորեայի պետական լրատվական գործակալությունը հայտնել է, որ նախօրեին ժամը 22:42-ին Chollima-1 հրթիռը «ճշգրիտ արձակել է» Mulligyong-1 արբանյակը ուղեծիր՝ մեկնարկից մոտ 11 րոպե անց։
Հարավային Կորեան և Ճապոնիան, որոնք առաջինն են հայտնել արձակման մասին, չեն կարողացել անմիջապես հաստատել՝ արդյո՞ք արբանյակը գտնվում է ուղեծրում:
Պենտագոնը հայտնել է, որ ԱՄՆ զինված ուժերը դեռևս գնահատում են՝ արդյո՞ք արձակումը հաջող է եղել:
«Չնայած մեր զինվորականների զգուշացումներին՝ Հյուսիսային Կորեան նախօրեին շարունակել է արձակել ռազմական լրտեսական արբանյակ՝ խախտելով ՄԱԿ-ի Անվտանգության խորհրդի բանաձևը, որն արգելում է Փհենյանին բալիստիկ հրթիռներ արձակել: Այս սադրանքը սպառնում է մեր ազգային անվտանգությանը»,- ասել է Կորեայի Հանրապետության պաշտպանության փոխնախարար Հեո Թխե Կինը։
Արբայակի այս արձակմանը, որը տեղի է ունեցել մայիսին ու օգոստոսին գրանցված անհաջող փորձերից հետո, հետևել է Հյուսիսային Կորեայի ղեկավար Կիմ Չեն Ընը։
Էմմա Չոբանյան
