07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
Ֆրանսիական ՔԿՀ-ի պահման պայմաններ, հեռաբժշկության մոդել. ԱՆ փոխնախարարը հանդիպել է ֆրանսիացի գործընկերներին
Հասարակություն
21.11.2023 | 20:28
Եվրոպայի խորհրդի գրասենյակի կողմից իրականացվող «Ազատությունից զրկված անձանց իրավունքների պաշտպանության ամրապնդումը» ծրագրի շրջանակներում` արդարադատության նախարարի տեղակալ Լևոն Բալյանը Ֆրանսիայում ծանոթացել է քրեակատարողական առողջապահության համակարգում հեռաբժշկության ֆրանսիական փորձին։ Այս մասին տեղեկացրին ՀՀ արդարադատության նախարարությունից։
«Քննարկվել են քրեակատարողական համակարգերում ձեռք բերված առաջընթացին, համակարգում կիրառվող թվային ծառայություններին, ինչպես նաև կրթական, սպորտային, արվեստի և այլ վերասոցիալականացման-վերականգնողական ծրագրերին առնչվող հարցեր:
Լևոն Բալյանը պաշտոնական հանդիպումներ է ունեցել քրեակատարողական հիմնարկների և այլ պաշտոնատար անձանց հետ: Նախարարի տեղակալն այցելել է նաև Ֆրանսիայի երկրորդ ամենամեծ քրեկատարողական հիմնարկ, դատապարտյալների հիվանդանոց և ծանոթացել հիմնարկի կառուցվածքին, պահման պայմաններին, խնդիրներին, վերահսկողական գործառույթներին, ինչպես նաև հեռաբժշկության սարքերին:
Այցի շրջանակներում տեղի է ունեցել ինտերակտիվ քննարկում վարչակազմի հետ»,- ասված է հաղորդագրության մեջ։
