07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
Պատանդների ազատ արձակման շուրջ բանակցությունները մտել են եզրափակիչ փուլ․ Կատարի ԱԳՆ-ն՝ Իսրայել-ՀԱՄԱՍ բանակցությունների մասին
Քաղաքականություն
21.11.2023 | 18:30
Իսրայելի և ՀԱՄԱՍ-ի միջև միջնորդ հանդիսացող Կատարի ԱԳ նախարարության պաշտոնական ներկայացուցիչը հայտարարել է, որ Գազայում պահվող իսրայելցի պատանդների ազատ արձակման շուրջ բանակցությունները մտել են «կրիտիկական և վերջնական փուլ», հաղորդում է BBC-ի ռուսական ծառայությունը։
«Մենք համաձայնության հասնելու ամենամոտ կետում ենք, երբեք այսքան մոտ չենք եղել»,- ասել է Կատարի ԱԳՆ խոսնակ Մաջեդ ալ-Անսարին։
Հիշեցնենք, որ այսօր ավելի վաղ ՀԱՄԱՍ-ի առաջնորդներից մեկը՝ խմբավորման քաղբյուրոյի ղեկավար Իսմայիլ Հանիեն, ասել էր, որ Իսրայելի հետ հրադադարի կնքումը մոտ է։
AFP-ն, վկայակոչելով բանակցություններին ծանոթ աղբյուրներին, հայտնել է, որ համաձայնագիրը կարող է ներառել հնգօրյա զինադադար, որը բաղկացած կլինի ցամաքային հրադադարից և Իսրայելի օդային գործողությունների սահմանափակումից Գազայի հատվածի հարավում: Փոխարենը ՀԱՄԱՍ-ի և «Իսլամական ջիհադի» գրոհայինների կողմից գերեվարված 50-ից 100 հոգի ազատ կարձակվեն։ Գործարքի համաձայն՝ մոտ 300 պաղեստինցի էլ ազատ կարձակվի իսրայելական բանտերից։
