ԼՐԱԳՐՈՂԻ ԹԱՓՈՒՐ ՀԱՍՏԻՔ FACTOR TV-ՈՒՄ
Հաստիք՝ Լրագրող
Վայր՝ Երևան (Արամի 64)
Վերջնաժամկետ՝ նոյեմբերի 30-ը ներառյալ
Աշխատանքը սկսելու ամսաթիվ՝ անմիջապես
Կազմակերպություն՝ Ֆակտոր տեղեկատվական կենտրոն (Factor TV)
Դրույք՝ շաբաթական 40 ժամ
FACTOR TV-Ի ՄԱՍԻՆ
Factor TV-ն Հայաստանի առաջատար առցանց լրատվամիջոցներից է, որը լուսաբանում է Հայաստանի և տարածաշրջանի նորությունները, կարեւոր իրադարձություններն ու զարգացումները: Factor TV-ի առաքելությունն է իր լսարանին անաչառ, հավաստի, ճշգրիտ և ժամանակին տեղեկատվություն տրամադրելը և Հայաստանում թափանցիկության, հաշվետվողականության և ժողովրդավարական արժեքների խթանումը։
Մենք զերծ ենք քաղաքական, գործարար կամ մասնավոր ուժերի ցանկացած անմիջական կամ միջնորդավորված ազդեցությունից: «Լրագրողներ առանց սահմանների» կազմակերպությունը շարունակաբար նշում է Factor TV-ին՝ որպես Հայաստանում ժողովրդավարությունը և խոսքի ազատությունը պաշտպանող ինստիտուտներից մեկը։
Իրենց աշխատանքը սիրող պրոֆեսիոնալների մեր թիմում 3 տասնյակից ավելի մասնագետներ կան, որոնց կարող ես միանալ նաեւ դու։
Դե՛ ինչ, ծանոթացի՛ր այս հնարավորությանն ու հայտ ներկայացրու՝ միանալու մեր թիմին։
ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ
Մենք փնտրում ենք լրագրողի, ով՝
- Սիրում է սովորել, հետազոտել, ուսումնասիրել, տալ շատ հարցեր և գնալ պատասխանների հետևից։
- Արագ է կողմնորոշվում, ունի պրպտուն եւ ստեղծագործ միտք։
- Կարող է ճիշտ պահին, ճիշտ տեղում տալ դիպուկ հարցեր։
- Քաղաքականացված չէ, սակայն ակտիվորեն հետեւում է քաղաքական կյանքին, դերկատարներին, գործընթացներին և հեռանկարներին։
- Հավատարիմ է լրագրողական էթիկային և մասնագիտական սկզբունքներին։
- Գնահատում է անաչառությունը, օբյեկտիվությունը և օպերատիվությունը՝ իր ստեղծած արդյունքի միջոցով։
- Կարող է կրել Factor TV-ի բրենդը և այն զարգացնել իր սկզբունքային գործունեության միջոցով։
- Պատրաստ է իր աշխատանքային գործունեության հիմքում պահպանել Factor TV-ի ընթացակարգերն ու քաղաքականությունները։
- Թիմային աշխատող է, առաջնորդվում է մեկը բոլորի, բոլորը մեկի համար սկբունքով։
- Բարեխիղճ է եւ կարգապահ։
Ի՞ՆՉ ԵՆՔ ԱՌԱՋԱՐԿՈՒՄ ՄԵՆՔ
Factor TV-ն մեծ ուշադրություն է դարձնում իր աշխատակիցների համար ապահով, անվտանգ և դրական միջավայրի պահպանմանը։ Մենք առաջարկում են՝
- Հարթակ, որը թույլ կտա ձեր և քաղաքացիների ձայնը լսելի դարձնել Հայաստանում և Հայաստանից դուրս։
- Թեմաների լայն շրջանակ լուսաբանելու հնարավորություններ՝ տեղական իրադարձություններից մինչև գլոբալ իրադարձություններ:
- Գեղեցիկ, հարամարավետ և ջերմ խմբագրություն, որտեղ հարմարավետությունն առաջնահերթություն է։
- Մասնագիտացած թիմ, որը կարող է աջակցել նյութի ստեղծման պահից մինչև հրապարակումը տեղի ունեցող արտադրական և հետարտադրական գործընթացներում։
- Միջավայր, որը մշտապես կխթանի ձեր մասնագիտական աճը՝ կրթության և աշխատանքային վերապատրաստումների ու համաժողովների միջոցով, ինչպես Հայաստանում, այնպես էլ արտերկրում։
- Մրցակցային աշխատավարձ, պայմանագրային իրավահարաբերություններ։
Factor TV-ն հավասար հնարավորությունների միջավայր է։ Որպես մեր աշխատանքի և մարդկային հարաբերությունների հենք, մենք կարևորում ենք հավասարությունը, արդարությունը, բազմազանությունը և հավատարիմ ենք բոլոր աշխատակիցների համար ներառական միջավայր ստեղծելու առաքելությանը:
ՔՈ ԿԱՐՈՂՈՒԹՅՈՒՆՆԵՐԸ
- Լրագրության, հաղորդակցության, քաղաքագիտության կամ հարակից բնագավառներում բարձրագույն կրթություն:
- Գրավոր, բանավոր հաղորդակցության գերազանց կարողություններ։
- Պատմություններ պատմելու, բովանդակություններ մշակելու, տեքստեր ստեղծելու գերազանց կարողություններ։
- Հայաստանի քաղաքական դաշտի, պետական կառավարման, տարածքային և տեղական ինքնակառավարման համակարգերի, ոլորտային դերակատրների, բարեփոխումների, պետական ռազմավարությունների, օրենսդրական դաշտի, որոշումների կայացման գործընթացի վերաբերյալ խորքային գիտելիքներ և պատկերացումներ։
- Քաղաքական իրադարձությունների լուսաբանման, հարցազրույցներ վարելու կարողություններ։
- Մուլտիմեդիա բովանդակություն ստեղծելու կարողություն։
- Վիդեոլրագրության փորձ (կամ սովորելու և վիդեոլրագրող դառնալու ցանկություն)։
- Լրագրության ոլորտում առնվազն 2 տարվա աշխատանքային փորձ։
- Հայերենի գերազանց, անգլերենի և ռուսերենի առնվազն լավ իմացություն։
- Microsoft Office ծրագրային փաթեթի իմացություն, կորպորատիվ էլեկտրոնային փոստերի կիրառման կարողություն։
ԴԻՄԵԼՈՒ ԿԱՐԳԸ
Այս աշխատանքին դիմելու համար անհրաժեշտ է՝
- Ինքնակենսագրականը (CV),
- Նախկինում կատարած աշխատանքներից երեքի հղումները,
- Գործատուներից առնվազն մեկի, առավելագույնը երեքի կոնտակտային տվյալները ուղարկել [email protected] էլեկտրոնային փոստի հասցեին, թեմա դաշտում նշելով՝ «Journalist_2023_NAME-SURNAME»:
Դիմումների ընդունման վերջնաժամկետը նոյեմբերի 30-ն է։
