07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
Թուրքիան հայտնել է Գազայի վերաբերյալ 7 երկրների մասնակցությամբ Մոսկվայում հանդիպման մասին
Քաղաքականություն
21.11.2023 | 22:22
Յոթ երկրների՝ Թուրքիայի, Ինդոնեզիայի, Նիգերիայի, Հորդանանի, Եգիպտոսի, Կատարի և Սաուդյան Արաբիայի ներկայացուցիչներից կազմված կոնտակտային խումբը մտադիր է հրադադարի հասնել Իսրայելի և ՀԱՄԱ-ի միջև պատերազմում: Այս մասին հայտարարել է Թուրքիայի արտգործնախարար Հաքան Ֆիդանը, գրում է DW-ի ռուսական ծառայությունը։
«Խմբի հիմնական նպատակն է արագորեն հասնել զինադադարի և մարդասիրական օգնություն ուղարկել Գազայի հատված»,- ասել է Թուրքիայի ԱԳ նախարարը։
Նշվում է, որ կոնտակտային խումբը ստեղծվել է Արաբական պետությունների լիգայի և Իսլամական համագործակցության կազմակերպության համատեղ գագաթնաժողովում, որը տեղի էր ունեցել նոյեմբերի 11-ին Սաուդյան Արաբիայի մայրաքաղաք Ռիադում։
Այս խմբի առաջին հանդիպումը տեղի է ունենալու նոյեմբերի 21-ին Պեկինում, իսկ հաջորդը՝ նոյեմբերի 22-ին՝ Մոսկվայում։ Ըստ Հաքան Ֆիդանի՝ Անկարան բոլոր ջանքերը կգործադրի, որպեսզի Մերձավոր Արևելքում հակամարտության լուծումը լինի երկու պետությունների գոյությունը։
Նախօրեին էլ Թուրքիայի ԱԳՆ-ն հայտնել էր, որ այսօր ՌԴ-ի հետ քաղաքական խորհրդակցություններ են անցկացվելու երկկողմ ու տարածաշրջանային հարցերով, որոնք տեղի են ունենալու Թուրքիայի ԱԳ փոխնախարար, դեսպան Բուրաք Աքչապարի և ՌԴ փոխարտգործնախարարներ Սերգեյ Վերշինինի և Ալեքսանդր Գրուշկոյի մասնակցությամբ։
Էմմա Չոբանյան
