18.03.2026 | 23:15
34,576 տեղահանված անձ ստացել է ՀՀ քաղաքացիություն, մերժման զրո դեպք ունենք․ ՆԳ նախարար
Իսրայելը գնդակոծել է լիբանանյան բանակի դիրքերը Վազանիի սահմանային շրջանում
Քաղաքականություն
21.11.2023 | 16:14
Իսրայելական զորքերը կրակ են բացել Լիբանանի հարավային շրջանների ուղղությամբ՝ ի պատասխան «Հըզբոլլահի» գրոհայինների գործողությունների: Այս մասին հայտնում է ՏԱՍՍ-ը՝ հղում կատարարելով Lebanon 24-ին։
Աղբյուրի փոխանցմամբ՝ լիբանանյան բանակի դիրքերը սահմանամերձ Վազանի շրջանում կրակի տակ են հայտնվել։ Արկերը դիպել են հրամանատարական կետի մոտ գտնվող ամրություններին, սակայն զինվորականներ չեն տուժել։
Նոյեմբերի 6-ին իսրայելական հրետանին ռմբակոծել է լիբանանյան բանակի ռազմաբազան սահմանամերձ Ռաս ալ-Նակուրա շրջանում։ Զինծառայողների շրջանում զոհերի մասին չի հաղորդվել։ Հոկտեմբերի 26-ին էլ Այտրուն գյուղի շրջակայքում լիբանանյան ուժերի շարասյունն ընկել է իսրայելական հրետանու կրակի տակ։ Զոհերի մասին տեղեկություններ չկան։
Հոկտեմբերի 10-ին իսրայելի կողմից հրթիռակոծության ժամանակ Ռմեյշում բանակի կառավարման կենտրոնում հրթիռ էր պայթել, մեկ սպա վիրավորվել էր։
Իսրայելի պաշտպանության բանակի և շիա զինյալների միջև փոխհրաձգությունը, որը շարունակվում է հոկտեմբերի 8-ից, հանգեցրել է սահմանամերձ շրջաններում ռազմական սրացման։ Իսրայելի իշխանությունները տարհանել են 29 բնակավայրերի բնակիչների, որոնք գտնվում են սահմանից 5 կմ շառավղով հեռավորության վրա։ Լիբանանում 40 հազար մարդ լքել է իրենց տները իսրայելական հրետակոծությունների և ավիահարվածների պատճառով, նրանց մեծ մասը տեղափոխվել է Տյուր և Նաբաթիե։ Այստեղ մարդիկ ժամանակավորապես տեղավորվել են դպրոցներում։
